ក្បត់ថាមិនក្បត់
1- ស្ទើរតែមិនជឿលើភ្នែកខ្លួនឯង
វិញ្ញាណវង្វេងទប់ប្រាណលែងនឹង
គ្រាប់ភ្នែកទាំងគូ ឃើញច្បាស់ព្រលឹង
ឱបគេយ៉ាងតឹង ជិះម៉ូតូថ្មី ។
2- អូនក្បត់ពេលណា បងមិនដឹងខ្លួន
ត្បិត Call រកអូនជារៀងរាល់ថ្ងៃ
អូនតែងប្រាប់ថាចិត្តអូនភក្ដី
ឥឡូវហេតុអ្វីឱបទ្រូងគេផ្សេង?
3- ហេតុអ្វី ហេតុអ្វី បានជាស្រីក្បត់
ម្ដេចនៅតមាត់ប្រកែកគ្មានក្រែង
ធ្វើមិនដឹងខ្លួន ចោទបងវង្វេង
ការពិតអូនឯងនិងគេច្បាស់ណាស់។
4- នេះហើយរូបថត សង្កត់មាត់ស្រី
កុំចេះតែស្ដីឥតក្ដីអាម៉ាស់
សុំចប់ត្រឹមហ្នឹង! ស្រីចិត្តប្ដូរផ្លាស់
ស្រីចិត្តរន្ទះខ្ញុំសុំ bye bye ។
ជួបជាមួយអ្នកបង្កើតពុម្ពអក្សរយូនីកូដខ្មែរលោកដាញ់ ហុង
កាលពីថ្ងៃ ២៦ កក្កដា និង ថ្ងៃ ១៧ សីហា ឆ្នាំ២០០៨ នេះ ខ្ញុំនិងប្អូនជីដូនមួយខ្ញុំឈ្មោះ វឌ្ឍនា មានកិត្តិយសដ៏អស្ចារ្យដោយបានជួបជាមួយអ្នកបង្កើតពុម្ពអក្សរខ្មែរអូអេសយូនីកូដដ៏ល្បីល្បាញ គឺលោកដាញ់ ហុង នៅ Deli Café។
ក្នុងការជួបគ្នាទាំងពីរលើកនេះ លោកបងដាញ់ ហុង បានជួយណែនាំបង្ហាត់បង្រៀនពីរបៀបធ្វើពុម្ពអក្សរខ្មែរ ដល់វឌ្ឍនា លោកបឿន និង ខ្ញុំផងដែរ ដោយគ្មានលាក់លៀមចំណេះបន្តិចសោះឡើយ។ គាត់បានបង្រៀនឲ្យចេះប្រើឧបករណ៍ទាំងអស់ក្នុងកម្មវិធី Font Creator និង Microsoft VOLT ។ ក្រៅពីនេះផងដែរ យើងក៏បានជជែកគ្នាពីបញ្ហានានាទាក់ទងនឹងប្រវត្តិនៃការកកើតពុម្ពអក្សរខ្មែរលើកុំព្យូទ័រ, វិបត្តិនៃអក្សរសាស្ត្រខ្មែរ និងបច្ចេកវិជ្ជាកុំព្យូទ័រ។
មិនគ្រាន់តែជាអ្នកបង្កើតពុម្ពអក្សរដែលមានកេរ្តិ៍ឈ្មោះល្បីរន្ទឺប៉ុណ្ណោះទេ លោកដាញ់ ហុង ក៏ជាអ្នកសារព័ត៌មានដ៏មានវិជ្ជាជីវៈមួយរូបរបស់វិទ្យុអាស៊ីសេរីផងដែ។ ពុម្ពអក្សរនៅលើវិបសាយត៍របស់វិទ្យុនេះ គឺគាត់ជាអ្នករៀបចំ។
Mr. Danh Hong and Vathana
សូមថ្លែងអំណរគុណយ៉ាងជ្រៀលជ្រៅចំពោះលោកបងដាញ់ ហុង ដែលបានចំណាយពេលវេលាដ៏មានតម្លៃ ក្នុងការចែកចាយចំណេះដឹងរបស់បងចំពោះប្អូន។ សូមជូនពរឲ្យបងជួបប្រទះតែសេចក្ដីសុខគ្រប់ប្រការ និងទទួលបានជោគជ័យក្នុងការងារជាបន្តទៀត។
សូមអរគុណផងដែរដល់លោកបឿន ដែលនាំឲ្យមានការណាត់ជួបនេះ។ បញ្ជាក់៖ នៅលើកទីពីរក៏មានណារដ្ឋ ចូលរួមផងដែរ។
ទៅចូលរួមប្រលងតែងនិពន្ធ
ថ្ងៃនេះ ខ្ញុំបានទៅចូលរួមប្រលងតែងនិពន្ធ នៅអង្គការខ្មែរដើម្បីសុខភាពនិងសិល្បៈ។ អង្គការនេះកំពុងបង្កើតផលិតកម្មថ្មីមួយដែលនឹងចេញផ្សាយអាល់ប៊ុមចម្រៀងដំបូងរបស់ខ្លួនក្នុងពេលឆាប់ៗនេះ។
និយាយលាក់បាំងអី ការស្រមៃចង់ធ្វើជាអ្នកនិពន្ធម្នាក់ នៅតែស្ថិតក្នុងចិត្តខ្ញុំជានិច្ច។ តាំងពីតូចមកម្ល៉េះ ខ្ញុំធ្លាប់សាកល្បងសរសេរចម្រៀងផ្សេងៗ ហើយផ្ញើឲ្យក្រុមហ៊ុនគេជួយថតឲ្យ តែមិនដែលបានសម្រេចមួយទេ។
ខាងក្រោមនេះជាសំណួរដែលគេសួរនៅប្រលងចូលរៀន វគ្គតែងនិពន្ធ។
១- តើអ្នកនិពន្ធជាអ្វី?
២- តើហេតុអ្វីបានជាអ្នកចង់ក្លាយជាអ្នកនិពន្ធ?
៣- តើទំនុកច្រៀង(lyrics) និងបទភ្លេង(melody) ខុសគ្នាដូចម្ដេចខ្លះ? ពន្យល់។
៤- ដើម្បីនិពន្ធបទចម្រៀងមួយឲ្យបានល្អ តើអ្នកនិពន្ធត្រូវពឹងផ្អែកលើអ្វីខ្លះ?
៥- ចូរតែងបទចម្រៀងថ្មីមួយដែលនិយាយពីស្នេហារបស់យុវជនសម័យថ្មីនេះ។
Jokes of the month
Man comes home, finds his wife with his friend in bed.
He shoots his friend and kills him.
Wife says, ‘If you keep on behaving like this, you’ll lose ALL your friends’
****************************************
A small Boy wrote to Santa Claus, ‘Send me a brother.’
Santa wrote back, ‘SEND ME YOUR MOTHER’
****************************************
What is the definition of Mistress?
Someone between the Mister and Mattress.
***************************************
What’s the difference between stress, tension, and panic?
Stress is when wife is pregnant.
Tension is when girlfriend is pregnant.
Panic is when both are pregnant.
***************************************
Teacher: Do you know the importance of a period?
Kid: Yeah, once my sister said she had missed one, and my mom fainted,
dad had a heart attack, & our neighbor ran away.
***************************************
A woman asks man who is traveling with six children,
‘Are all these kids yours??’
The man replies sarcastically,
‘No, I work in a condom factory and these are customer complaints.’
***************************************
A young boy asks his Dad,
‘What is the difference between confident and confidential?’
Dad says, ‘You are my son. I’m confident about that.
Your friend over there is also my son. That’s confidential!’.
វឌ្ឍនាផ្កាភ្ញី ៖ ពុម្ពអក្សរខ្មែរថ្មីត្រៀមខ្លួនចេញផ្សាយ
នៅពេលនេះខ្ញុំសូមណែនាំជូនលោកអ្នកឲ្យបានស្គាល់នូវពុម្ពអក្សរថ្មីមួយ ដែលមានឈ្មោះថា «វឌ្ឍនាផ្កាភ្ញី»។ ពុម្ពអក្សរនេះដាក់ឈ្មោះតាមអ្នករចនាតែម្ដងគឺ លោក ហួនហៀន វឌ្ឍនា ដែលជាគរុនិស្សិតផ្នែកគណិតវិទ្យានៅវិទ្យាស្ថានជាតិអប់រំ។ គាត់ត្រូវជាប្អូនជីដូនមួយរបស់ខ្ញុំ មានកំណើតកើតជានៅខេត្តបន្ទាយមានជ័យ។ តាំងពីតូចមកម្ល៉េះ គាត់មានឧបនិស្ស័យយ៉ាងខ្លាំងទៅលើផ្នែកសិល្បៈគំនូរ ការឆ្លាក់អក្សរ និងការរៀបចំរចនារបស់ផ្សេងៗ។ អក្សរដៃរបស់គាត់ គឺដូចអក្សរពុម្ពអ៊ីចឹង។ ដោយឃើញនូវទេពកោសល្យបែបនេះ ខ្ញុំក៏បានណែនាំឲ្យគាត់បញ្ចេញនូវស្នាដៃនេះ នៅលើប្រព័ន្ធកុំព្យូទ័រ ដោយប្រើកម្មវិធី Font Creator Program របស់ក្រុមហ៊ុន High Logic។
វឌ្ឍនា ផ្កាភ្ញី
រហូតមកដល់ពេលនេះ ជិតមួយឆ្នាំហើយ ពុម្ពអក្សរនេះមិនទាន់ធ្វើហើយជាស្ថាពរទេ ដោយសារតែគាត់រវល់ក្នុងការសិក្សា។ ពីរ បី ថ្ងៃ ធ្វើបានតែ មួយតួអក្សរប៉ុណ្ណោះ។ ម្យ៉ាងទៀត ដោយមិនទាន់ចេះប្រើឧបករណ៍ទាំងអស់នៅក្នុងកម្មវិធី និងមិនមែនជាអ្នកអាជីព។
លោកអ្នកអាចទាញយកទៅសាកល្បងប្រើសិន តែប្រើបានតែប៉ុន្មានតួអក្សរប៉ុណ្ណោះ។ ជាបណ្ដោះអាសន្ន លោកអ្នកអាចវាយពាក្យ «វឌ្ឍនា» និង ពាក្យ «ប្រាសាទព្រះវិហារ»។
ខ្ញុំចង់ទាក់ទងបងហុង ឲ្យគាត់ជួយបង្រៀនពីរបៀបធ្វើហ្វុនត៍ បែបយូនីកូដ តែមិនដឹងថាទូរស័ព្ទគាត់លេខប៉ុន្មាន ហើយថាតើគាត់ព្រមបង្រៀននិងមានពេលបង្រៀនឬអត់ ព្រមទាំងគិតថ្លៃសិក្សាថ្លៃឬទេ។
ផ្លែនារីផល – ផ្លែឈើដែលមានរូបរាងដូចមនុស្សស្រី
ថ្មីៗនេះ ខ្ញុំបានប្រទះឃើញរូបថតដែលបង្ហាញពីផ្លែឈើម្យ៉ាងឈ្មោះថា «នារីផល» ។ ខ្ញុំធ្លាប់តែលឺចាស់ៗ និយាយដែរពីផ្លែឈើនេះកាលពីនៅតូច តែមិនដែលបានឃើញរូបរាងវាសោះ។ ខ្ញុំមិនដឹងថា រូបថតនេះ ពិត ឬ មិនពិតយ៉ាងណានោះទេ ហើយក៏មិនដឹងច្បាស់ថា ផ្លែឈើនេះមានអត្ថិភាពនៅលើលោកនេះដែរ។ បើពិតជាមានមែន ពិតជារឿងមួយអស្ចារ្យណាស់។ ធម្មជាតិចេះតាក់តែងបង្កើតរឿងប្លែកៗ មិនគួរឲ្យជឿ។ ចង់ដឹងពីប្រវត្តិរបស់ផ្លែនារីផលនេះ ខ្ញុំមិនអាចគេចផុតពីវចនានុក្រមសម្ដេចសង្ឃជួន ណាតឡើយ។
ផ្លែនារីផល
ឈ្មោះឈើមានផ្លែរូបដូចជាស្រីក្រមុំ មានតែក្នុងព្រៃហិមពាន្ត មានតំណាលក្នុងរឿងបុរាណថា វេលាដែលឈើនេះមានផ្កាផ្លែ ពួកពិទ្យាធរជ្រួលជ្រើមដណ្ដើមគ្នាបេះផ្កានិងផ្លែឈើនោះ ដោយសេចក្ដីស្នេហាខ្លាំង។
ពិទ្យាធរ (ន) សំ វិទ្យាធរ បា វិជ្ជាធរ អ្នកទ្រទ្រង់វិជ្ជា, ភូតពួកមួយអាស្រ័យនៅនាហិមវន្តប្រទេស មានវិជ្ជាអាចឲ្យសម្រេចបាន, បើស្ត្រីហៅថា ពិទ្យាធារិណី ឬ វិជ្ជាធារិណី (មានតំណាលតែក្នុងគម្ពីរដីកា)។
បេះដូងថ្ងួចថ្ងូរ
នេះជាកូនកាព្យលេងៗ ដែលខ្ញុំបានតែងឡើងពេលទំនេរ។ ខ្ញុំចូលចិត្តសរសេរកំណាព្យរបៀបកូនកាត់បែបនេះណាស់។ សូមប្រិយមិត្តទាំងអស់រីករាយកម្សាន្តដូចតទៅ៖
១- Everynight ស្រមៃឃើញ girl
I sleep មមើល see you, baby
Miss you so much, you know ជីវី
Eternally I love, love you.
២- I sleep alone ស្រពោនដួងចិត្ត
the tears ជាមិត្តញ៉ាំងចិត្តថ្ងួចថ្ងូរ
You left me without sorrow.
As water flows, never come back.
៣- I wanna know the reason why
you make me cry, tell កុំអល់អែក
គ្រប់ពេល my chest ស្ទើរប្រេះរហែក
I taste ទឹកភ្នែក, my heart’s sinking.
៤- The words coming from បេះដូងបង
hope that នួនល្អងវិលវិញ darling
សុំកុំធ្វើឲ្យបង suffering
ចិត្តបងទន្ទេញ meet you again.
Read more of my poems at NarathsBlog.
តើពាក្យ«ផ្សារ»មានប្រភពមកពីភាសាណា?
តើអ្នកទាំងអស់គ្នាមានដែលចាប់អារម្មណ៍ទេថា ពាក្យ «ផ្សារ» ដែលត្រូវនឹងភាសាអង់គ្លេស Market និងភាសាបារាំង Marché ជាពាក្យភាសាខ្មែរសុទ្ធឬយ៉ាងណា?
តាមវចនានុក្រមខ្មែររបស់សម្ដេចសង្ឃជួន ណាត «ផ្សារ» ជាពាក្យក្លាយមកពីបរទេសថា ប៊ៈហ្សារ តែព្រះអង្គមិនបានបញ្ជាក់ថា ពាក្យនេះចេញមកពីភាសាណានោះទេ។
ផ្សារ (ន) (ក្លាយមកពីពាក្យបរទេសថា ប៊ៈហ្សារ) ទីប្រជុំលក់ទិញរបស់ផ្សេងៗ គឺប្រជុំផ្ទះ ឬ រានតូចធំដែលគេដាក់ទំនិញលក់ដូរ។ បុរាណប្រើពាក្យនេះថា អាប័ណ (បាលី-សំស្ក្រឹត) ។ ផ្សារផ្សោ៖ ផ្សារស្ដុកស្ដម្ភនិងផ្សាររាយរងនៅលាយចម្រុះគ្នា (ពាក្យសាមញ្ញ)។
ដោយចង់ដឹង តើពាក្យនេះចេញមកពីភាសាណាឲ្យពិតប្រាកដ ខ្ញុំក៏ស្វែងរកពាក្យនេះនៅក្នុងឯកសារផ្សេងៗទៀត។ សំណាងល្អ ខ្ញុំបានប្រទះពាក្យនេះនៅក្នុងវចនានុក្រមខ្មែរ-អង់គ្លេស បោះពុម្ពដោយ Bureau of Special Research in Modern Languages នៃ The Catholic University of America Press ‘1977។ វចនានុក្រមនេះ បញ្ជាក់ថា៖
ផ្សារ ក្លាយមកពីពាក្យរបស់ភាសាចាមនិងម៉ាឡេ។ ចាមថា៖ pasar ឯម៉ាឡេថា pasar; persiam bazar.
English-Malay Dictionary: http://www.dicts.info/dictionary.php?l1=English&l2=Malay
តាមមើលពាក្យនេះ ខ្មែរយើងប្រហែលជាខ្ចីពីចាម ម៉ាល៉ាយូ ឬ ជ្វា (?) នៅសម័យកណ្ដាលរវាងសតវត្សទី១៥-១៨ ព្រោះសម័យកាលនោះ នគរកម្ពុជាមានការទាក់ទងច្រើនជាមួយប្រទេសម៉ាល៉ាយូ (ម៉ាឡេ) និង ជ្វាទាំងខាងជំនួញ ទាំងខាងនយោបាយ។
មិនដឹងថាតើខ្មែរមានពាក្យអ្វីផ្សេងដែលជាពាក្យខ្មែរសុទ្ធសម្រាប់ហៅសម្គាល់ន័យនេះឬយ៉ាងណានោះទេ ក្រៅពីពាក្យដែលខ្ចីពីម៉ាឡេ និង បាលី-សំស្ក្រឹត។
តើឈ្មោះខ្ញុំមានន័យយ៉ាងណា?
នៅពេលដែលគេសួរខ្ញុំថា តើខ្ញុំមានឈ្មោះអ្វី ខ្ញុំតែងតែមានការរារែកនឹង ប្រាប់ឈ្មោះទៅគេ។ គេនឹងមានការមានការភ្ញាក់ផ្អើលយ៉ាងខ្លាំង ហើយលាន់មាត់ថា «ឈ្មោះ(ដូច)ស្រី!» បន្ទាប់ពីខ្ញុំបានប្រាប់ឈ្មោះទៅ គេរួចហើយ។ តាមពិតទៅ ឈ្មោះខ្ញុំមិនមែនមិនពីរោះនោះទេ។ គឺពីរោះទាល់តែមែនទែន។ តែហេតុអ្វីបានជាគេចេះតែយល់ (perceive) ថា ឈ្មោះរបស់ខ្ញុំនេះជាឈ្មោះរបស់ស្រីទៅវិញ? មកពីពីរោះពេកទេដឹង? បើតាមអត្ថន័យពិតនៃឈ្មោះនេះ គឺគ្មានចំណុចណាដែលបង្ហាញថា ឈ្មោះខ្ញុំនេះ «និមល» ទាក់ទងនឹងឈ្មោះមនុស្សស្រីឡើយ។
តាមវចនានុក្រមខ្មែរ របស់សម្ដេចសង្ឃជួន ណាត បោះពុម្ពនៅឆ្នាំ១៩៦៧ ទំព័រ៣៧៥; «និមល» ឬ «និម្មល» ជាគុណនាម (បាលី៖ និម្មល; សំស្ក្រឹត៖ និម៌ល សរសេរជាអក្សរទេវនាគរី៖ निर्मल ) មានន័យថា ដែលឥតមន្ទិល ឥតសៅហ្មង ស្អាតបរិសុទ្ធ។
តែពាក្យនេះ ខ្មែរយើងតែងនិយមយកមកប្រើក្នុងកំណាព្យ ឬ ចម្រៀងដើម្បីហៅអ្នកណាម្នាក់ដែលខ្លួនស្រលាញ់ពេញចិត្ត គាប់ហឫទ័យរបស់ខ្លួន មិនថាប្រុស ឬ ស្រីឡើយ។
ឧទាហរណ៍៖
-
កំណាព្យៈ តាំងពីឃ្លាតចាកនួននិម្មល រៀមរឹងទុក្ខទល់ខ្វល់ក្នុងប្រាណ កិច្ចការសារពើធ្វើពុំបាន នឹកតែកល្យាណសព្វវេលា។
-
ចម្រៀងៈ ទឹកភ្នែកលើថ្ពាល់ ហៅប្រុសនិមលឲ្យត្រលប់ ឃើញមុខមុនពេលឃ្លាតទៅ សមចិត្តពៅដែលនៅត្រូវការបង។ (បទ «គ្មានថ្ងៃបញ្ចប់» របស់សុគន្ធ នីសា)
តាមការពន្យល់ខាងលើ គឺគ្មានចំណុចណាដែលបញ្ជាក់ថា «និមល» ជាឈ្មោះរបស់មនុស្សស្រី ឬ ប្រុសសោះឡើយ។ ពាក្យនេះ គឺមានន័យ ត្រឹមតែ ឥតសៅហ្មង ឥតមន្ទិលប៉ុណ្ណោះ។
បើយើងពិនិត្យលើពាក្យដទៃទៀតដូចជាពាក្យ ពិសី, កល្យាណ, រតនា, សុផល, វឌ្ឍនា, សុភក្ដិ, វណ្ណា… យើងឃើញថា ពាក្យទាំងអស់នេះ អាចដាក់បានទាំងប្រុសទាំងស្រី ដូចជាមិនសូវអ្នកណា ចាប់ភ្លឹកថាស្រី ឬ ប្រុសទេ។ ចុះហេតុអ្វី ចម្លែកតែពាក្យ «និមល»?
តាមពិតមិនមែនមានតែខ្ញុំដែលជាប្រុសឈ្មោះនិមលតែម្នាក់ឯងទេ គឺមានច្រើនទៀតឈ្មោះ និមល ដូចជាលោក កែវ និមល អ្នកឆ្លើយឆ្លងវិទ្យុអាស៊ីសេរី ។ល។ និង ។ល។ ដូច្នេះ សូមអ្នកដែលបានស្ដាប់ឈ្មោះខ្ញុំនៅពេលដំបូង កុំមានការចម្លែកចិត្តអី៕
ឯកសារយោង៖
-
វចនានុក្រមខ្មែររបស់សម្ដេចសង្ឃជួន ណាត បោះពុម្ពឆ្នាំ1967 ទំព័រ 375
ព្រោះកំហុសយុវវ័យ,,, សូមទុកឱកាសឲ្យបងខ្លះបានទេ?
ភាពភ្លើតភ្លើនឈាមរាវនៃយុវវ័យក្មេងខ្ចី ខ្វះការពិចារណារបស់បង បានធ្វើឲ្យរូបអូនរងចុកចាប់គ្មានលស់ពេល,,,។ បងមិនដែលបានធ្វើល្អ យកចិត្តទុកដាក់ចំពោះអូនម្ដងណាឡើយ។ អូនស្រក់ទឹកភ្នែកស្ទើរគ្មានលស់ពេលដោយសាររូបបង។ ទីបំផុត អូនស៊ូទ្រាំនឹងអំពើឆ្គាំឆ្គងរបស់បងលែងបាន អូនក៏បានអស់ចិត្តពីបង ហើយចាកចេញពីបងទៅ។ ទើបតែមកដល់ពេលនេះ ពេលដែលបងបាត់បង់រូបអូន ទើបបងដឹងថា អូនមានតម្លៃយ៉ាងណាចំពោះជីវិតបង។ អូនអើយ! បងដឹងខ្លួនខុសហើយ! សូមអូនអភ័យទោសដល់រូបបងផងបានទេ? សូមអូនមេត្តាទុកឱកាសឲ្យបងខ្លះបានទេ ដើម្បីឲ្យបងបានកែប្រែជាថ្មី? បងសូមសន្យាថាបងនឹងមិនធ្វើខុសដូចមុនទៀតឡើយ។
នេះជាអត្ថន័យនៃបទចម្រៀងពីរបទផ្សេងគ្នា តែមានអត្ថន័យតែមួយ។ បទដំបូងដែលខ្ញុំបានធ្លាប់បានស្ដាប់នោះគឺ «រក្សាស្នេហ៍» ច្រៀងដោយលោក ព្រាប សុវត្ថិ នៅឆ្នាំ២០០២ និពន្ធទំនុកច្រៀងដោយលោកថៃ នរៈសត្យា។ ឯបទទី២ គឺបទ «ទុកឱកាសឲ្យបងខ្លះបានទេ?» ច្រៀងដោយលោកខេមរៈ សិរីមន្ត និពន្ធទំនុកច្រៀងដោយលោកខេមរៈ ភារុណ នៅឆ្នាំ២០០៨ នេះទេ។
រក្សាស្នេហ៍ Download
ទុកឱកាសបងខ្លះបានទេ?
Download
ព្រះរាជាណាចក្រកម្ពុជា
CambodiaWorks.com
Post your Resume on www.CambodiaWorks.com to get a job!
Professional Design Schools in Phnom Penh
Online Visitors:
វិចារថ្មីៗ