ពៅអើយបងស្ដាយ
បងគ្មានពាក្យអ្វីត្រូវនិយាយក្រៅពាក្យថាស្ដាយ។ បងស្ដាយអូនណាស់ពៅ។
1-ពៅអើយបងស្ដាយ ស្ដាយរូបស្ដាយកាយ ស្ដាយចិត្តចរណៃ
ស្ដាយមិនបានស្និទ្ធ ជាប្រពន្ធប្ដី ស្ដាយគ្មាននិស្ស័យ
ជាគូជីវិត។
2-ពៅអើយបងស្ដាយ ស្ដាយក្លិនឆោមឆាយ ស្ដាយបេះដូងពិត
ច្រើនឆ្នាំកន្លង អូនបងលួចគិត ស្ដាយមិនយល់ចិត្ត
ចិត្តដែលលួចស្នេហ៍។
3-ពៅអើយបងស្ដាយ ស្ដាយលើសពីស្ដាយ ស្ដាយចិត្តថ្នមថែ
ស្រលាញ់ពៅម្នាក់ លាក់រាប់ឆ្នាំខែ ម្ដេចកម្មបង្វែរ
ឲ្យហាមិនរួច។
4-ពៅអើយបងស្ដាយ ស្ដាយមិនបរិយាយ ស្ដាយចិត្តលបលួច
ស្ដាយមិនវាចា ថាបងគិតកួច ស្ដាយរើមិនរួច
ពីចិត្តកំសាក។
5-ស្ដាយពេលវេលា ស្ដាយចិត្តពុំងា អូនទ្រាំលំបាក
ស្ដាយកំហុសបង យឺតយ៉ាវសាកត្រាក ឱ! ចិត្តកំសាក
ផ្ដន្ទាខ្ញុំម៉្លេះ?
6-ពៅអើយបងស្ដាយ ស្ដាយប្រាប់អ្នកម្ដាយ យឺតយ៉ាវប្រហែស
ស្ដាយបងគិតច្រើន ខ្វល់ដូចដែកច្រែះ ទាល់តែគេបេះ
ទើបភ្ញាក់អាត្មា។
7-ស្ដាយព្រោះស្មានខុស ស្មានថាតូចស្រស់ អូនមិនស្នេហា
ស្មានចិត្តមិនត្រូវ ទើបមិនវាចា ថាបងប្រាថ្នា
អូនជាគូគាប់។
8-ស្ដាយវាសនាតិច កម្មកាចមកក្ដិច ឲ្យបងឥតភ័ព្វ
ឲ្យអូនបានគេ និស្ស័យមកភ្ជាប់ ចោលបងធុញថប់
ក្នុងលោកធំធេង។
9-ស្ដាយ!ស្ដាយ!ស្ដាយ!ស្ដាយ! ស្ដាយមិនបកស្រាយ ទាន់ពេលជាក់ស្ដែង
ខឹង!ខឹង!ខឹង!ខឹង ខឹងនឹងខ្លួនឯង ម្ដេចមិនថ្លាថ្លែង
ឲ្យអស់សេចក្ដី។ (នៅមានត)
វិចារថ្មីៗ