ចិត្តក្រពើ
«ចិត្តក្រពើ» សំដៅលើចិត្តរបស់មនុស្សដែលរមិលគុណគេ បានទទួលគុណគេហើយ បែរជាបំភ្លេចគុណគេទៅវិញ។ ពេលមានទុក្ខព្រួយអាសន្នអន្ធក្រ ពឹងពាក់សុំជំនួយគេ ដល់ពេលខ្លួនមានបាន បើមិនសងគុណក៏ហីទៅចុះ តែបែរជាធ្វើមិនស្គាល់គេទៅវិញ។
ផ្កាមួយទងដែលស្រពោនក្រៀមស្វិតហៀបនឹងអស់ជីវិតទៅហើយដោយត្រូវគេបោះបង់ចោល ត្រូវបានរើសមកស្រោចទឹកថ្នមថែរហូតមានជីវិតជីវ៉ាវិញ ដោយអ្នកថែសួនម្នាក់។ ឥឡូវស្រាប់តែផ្កាចង់វិលត្រលប់ទៅរកមនុស្សដែលបានបោះបង់ខ្លួនវិញ ដោយទុកឲ្យអ្នកដែលបានសង្គ្រោះខ្លួននូវការឈឺចាប់ ចោទថាមិនធ្លាប់មានការពាក់ព័ន្ធអ្វីនឹងគ្នា។
ម្ដេចក៏មាន «ចិត្តក្រពើ» យ៉ាងនេះ?
- ផ្កាដែលស្វិតក្រៀមស្រពោនជីវិតអូនធ្លាប់ឈឺចាប់
ស្នេហ៍អូនរស់ដូចជាស្លាប់រាយរាប់ប្រាប់បងឲ្យជួយ។
បងស្រោចទឹកថ្នាក់ថ្នមថែផ្កាមិនឲ្យរលួយ
ស្រោចស្រពកើតបានស្នេហ៍មួយផុតទុក្ខព្រួយឲ្យញញឹម។
R- ឥឡូវស្នេហ៍ចាស់ផ្សះផ្សាគ្នាវិញ ចោលបងមនុស្សធ្លាប់ផ្ដល់ក្ដីសង្ឃឹម
ថ្ងៃរះមេឃប្រែជាភ្លៀងរលឹមទឹកភ្នែករឹមៗចោទខ្ញុំបំបែកស្នេហ៍គេ
ចោទបងហួសហេតុបដិសេធថាគ្មានទាក់ទងបងទេ
ស្រីចើកសាវាចិត្តរេមនុស្សល្មើសគុណខុសគេចិត្តក្រពើ។
- ផ្កាដុះចេញពីលាមកក្លិនអាក្រក់សើរើ
មើលងាយថាបងមនុស្សភ្លើអូនបោកបានតាមចិត្ត
គ្រានោះបងឃើញអូនកម្សត់ប្រុសស្នេហ៍ក្បត់គួរអាណិត
ឥឡូវអ្នកត្រូវឈឺចិត្តពិតជាបង មិនមែនអូន។
ទំនុកច្រៀង និង ច្រៀង៖ សម្បត្តិ រដ្ឋា (DJ Oh la la)
មិនសូវពិរោះប៉ុន្មានទេ
តាមពិតទៅ មានមនុស្សដូចនេះច្រើនណាស់។ ប៉ុន្តែ យើងគ្រាន់តែចាត់ទុកជាបទពិសោធន៍ចុះ ធ្វើម៉េចជាព្រហ្មលិខិត៕
ម្យ៉ាងដែរទៅបង!!
ចិត្តក្រពើ!!
ទុកថានេះ ជាបទពិសោធន៍មួយដ៏ធំក្នុងជីវិតចុះ!
ជួយគេចាត់ទុកជាការធ្វើបុណ្យ!
គេរកអ្នកដទៃទៀត ចាត់ទុកជាបទពិសោធន៏
ចុះការឈឺចាប់របស់តួអង្គចាត់ទុកជាអ្វីទៅ?
ជាព្រហ្មលិខិតឬ? អយុត្តិធម៌ណាស់ដែលទំលាក់កំហុសអោយ ព្រហ្មលិខិត
មិនដែលដឹងថា និមល ប្លុកជាភាសាខ្មែរឡូយចឹងសោះ! ហាហា!! វាជាការល្អណាស់! អូ! ចុះនិមលឯងបានអាបទហ្នឹងពីណាមកដែរ? ឡូយណាស់ហ្ន!
បទនេះសមតែក្រពើច្រៀងមែន។