វឌ្ឍនាផ្កាភ្ញី ៖ ពុម្ពអក្សរខ្មែរថ្មីត្រៀមខ្លួនចេញផ្សាយ
នៅពេលនេះខ្ញុំសូមណែនាំជូនលោកអ្នកឲ្យបានស្គាល់នូវពុម្ពអក្សរថ្មីមួយ ដែលមានឈ្មោះថា «វឌ្ឍនាផ្កាភ្ញី»។ ពុម្ពអក្សរនេះដាក់ឈ្មោះតាមអ្នករចនាតែម្ដងគឺ លោក ហួនហៀន វឌ្ឍនា ដែលជាគរុនិស្សិតផ្នែកគណិតវិទ្យានៅវិទ្យាស្ថានជាតិអប់រំ។ គាត់ត្រូវជាប្អូនជីដូនមួយរបស់ខ្ញុំ មានកំណើតកើតជានៅខេត្តបន្ទាយមានជ័យ។ តាំងពីតូចមកម្ល៉េះ គាត់មានឧបនិស្ស័យយ៉ាងខ្លាំងទៅលើផ្នែកសិល្បៈគំនូរ ការឆ្លាក់អក្សរ និងការរៀបចំរចនារបស់ផ្សេងៗ។ អក្សរដៃរបស់គាត់ គឺដូចអក្សរពុម្ពអ៊ីចឹង។ ដោយឃើញនូវទេពកោសល្យបែបនេះ ខ្ញុំក៏បានណែនាំឲ្យគាត់បញ្ចេញនូវស្នាដៃនេះ នៅលើប្រព័ន្ធកុំព្យូទ័រ ដោយប្រើកម្មវិធី Font Creator Program របស់ក្រុមហ៊ុន High Logic។
វឌ្ឍនា ផ្កាភ្ញី
រហូតមកដល់ពេលនេះ ជិតមួយឆ្នាំហើយ ពុម្ពអក្សរនេះមិនទាន់ធ្វើហើយជាស្ថាពរទេ ដោយសារតែគាត់រវល់ក្នុងការសិក្សា។ ពីរ បី ថ្ងៃ ធ្វើបានតែ មួយតួអក្សរប៉ុណ្ណោះ។ ម្យ៉ាងទៀត ដោយមិនទាន់ចេះប្រើឧបករណ៍ទាំងអស់នៅក្នុងកម្មវិធី និងមិនមែនជាអ្នកអាជីព។
លោកអ្នកអាចទាញយកទៅសាកល្បងប្រើសិន តែប្រើបានតែប៉ុន្មានតួអក្សរប៉ុណ្ណោះ។ ជាបណ្ដោះអាសន្ន លោកអ្នកអាចវាយពាក្យ «វឌ្ឍនា» និង ពាក្យ «ប្រាសាទព្រះវិហារ»។
ខ្ញុំចង់ទាក់ទងបងហុង ឲ្យគាត់ជួយបង្រៀនពីរបៀបធ្វើហ្វុនត៍ បែបយូនីកូដ តែមិនដឹងថាទូរស័ព្ទគាត់លេខប៉ុន្មាន ហើយថាតើគាត់ព្រមបង្រៀននិងមានពេលបង្រៀនឬអត់ ព្រមទាំងគិតថ្លៃសិក្សាថ្លៃឬទេ។
S’art nas!! kal ban twer hoey…?
ឃើញប្រើមុនៗ ខ្ញុំស្មានថាគ្រាន់តែរចនាតាមហ្វូតូសហ្វទេតើ។
ខ្ញុំសូមសរសើរដល់ស្នាដៃរបស់លោក វឌ្ឍនា។ បើបានគាត់ជួយគូសពុម្ពអក្សរជាច្រើនទៀត ពិតជាប្រសើរណាស់។
អរគុណដែលបានទៅលេងប្លុករបស់ខ្ញុំណាខ្ញុំសង្ឈឹមថាគាត់និងធ្វើហើយឆាប់ៗនេះខ្ញុំនិងបានប្រើដែរ។ពុម្ភអក្សរនេះស្អាតណាស់
ពិតជាស្អាតមែនពុម្ពអក្សរនេះ សង្ឃឹមថាអ្នកបង្កើតពុម្ពអក្សរនេះពិតជាសម្រេចជាស្ថាពរទៅថ្ងៃមុខ!
សូមជួយគាំទ្រដោយស្មោះ!
តើថ្ងៃណា បានពុម្ពអក្សរបងធ្វើហើយ អាចប្រាប់បានទេ?
រាល់ថ្ងៃខ្ញុំទន្ទឹងចាំមើលឱ្យតែពុម្ពបងធ្វើហើយ ខ្ញុំនឹងទាញយកមកប្រើហើយ
តើពុម្ពអក្សររបស់បងរួចហើយឬនៅពេលនេះ?
តើពេលនេះពុម្ពអក្សររបស់បងរួចរាល់ហើយឬនៅ?