វិបត្តិសេដ្ឋកិច្ចពិភពលោក
ក្រុមអធិការកិច្ចនឹកឆ្ងល់សួរនាយកមណ្ឌលកែប្រែ ៖
- ពួកខ្ញុំពិនិត្យឃើញការងារយាមកាមនៅទីនេះ មានចន្លោះប្រហោងច្រើនណាស់ ចុះហេតុម៉េចនៅទីនេះមិនដែលមានករណីលួចរត់?
- បាទ មកពីព្រឹកណា ក៏ខ្ញុំប្រកាសប្រាប់អ្នកទោសទាំងអស់ ឲ្យដឹងពីវិបត្តិសេដ្ឋកិច្ចពិភពលោក នាំឲ្យមនុស្សឥតការងារធ្វើ អត់បាយក្រហាយទឹកគ្រប់ទីកន្លែង។ ពួកអ្នកទោសខ្លាចក្រែងចេញទៅក្រៅ អត់បាយស្លាប់ ទើបមិនមានគំនិតចង់រត់។
1 comment ខែ មេសា 8, 2009
Happy Women’s Day
You are a woman
You have it in you
To emerge a winner
You will get to the top
Happy Women’s Day!
Add comment ខែ មីនា 7, 2009
ផលិតកម្មគុជសមុទ្រ ចេញផ្សាយអាល់ប៊ុមចម្រៀងដំបូងរបស់ខ្លួន
ផលិតកម្មគុជសមុទ្រ បានចាប់បើកដំណើរការហើយដោយបានចេញផ្សាយនូវអាល់ប៊ុមដំបូងរបស់ខ្លួន ឈ្មោះថា «បញ្ចប់ស្នេហ៍ត្រឹមហ្នឹង»។ លោកអ្នកអាចរកជាវបាននៅគ្រប់ហាងលក់ស៊ីឌីទាំងអស់ ដោយថ្លៃត្រឹមតែ ១ ដុល្លារ ប៉ុណ្ណោះ (ឌីស្កអូរីហ្ស៊ីន)។
ចំណងជើងបទចម្រៀង៖
១- បញ្ចប់ស្នេហ៍ត្រឹមហ្នឹង
២- ស្នេហ៍គ្មានកុងត្រា
៣- ចាញ់ប្រុសដូចគ្នា
៤- កុំលើកដៃប្រល័យស្នេហ៍អូន
៥- ភ្លើងប្រចណ្ឌ
៦- អង្វរអូនសម្លាញ់
៧- រអៀសចិត្ត
៨- ខកស្នេហ៍ឡើងសាំ
៩- ឈាមយុវវ័យ
១០- អក្ខរាស្នេហ៍ក្នុងសឺមី
១១- ស្នេហ៍ស្មោះមួយសប្ដាហ៍
8 comments ខែ កុម្ភៈ 19, 2009
Fontstruct Fontshop កម្មវិធីងាយៗសម្រាប់ធ្វើពុម្ពអក្សរ
តើអ្នកទាំងអស់គ្នាចង់ក្លាយជាអ្នករចនាពុម្ពអក្សរទេ? ចង់ចេញម៉ូដដោយខ្លួនឯងទេ? នេះជាកម្មវិធីសម្រាប់ធ្វើពុម្ពអក្សរដែលជួយឲ្យលោកអ្នកអាចរចនាពុម្ពអក្សរដោយខ្លួនឯងបាន គឺកម្មវិធី Fontstruct Fontshop របស់ក្រុមហ៊ុន Fontshop ។ លោកអ្នកគ្រាន់តែយកនូវបំណែកដុំឥដ្ឋ (bricks) ដែលមានស្រាប់មកតម្រៀបទៅតាមរូបរាងដែលលោកអ្នកចង់បាន នោះជាការស្រេច។ ចូលទៅ http://fontstruct.fontshop.com/
Screenshot of Fontstruct
កម្មវិធីនេះអាចឲ្យអ្នករចនា ធ្វើពុម្ពអក្សរបានច្រើនភាសា តែគួរឲ្យស្ដាយក្រៃណានឹងស្ដាយ មិនទាន់មានបញ្ចូលខ្មែរយូនីកូដនៅឡើយទេ បើភាសាផ្សេងៗ ដូចជា ទេវនាគរី ហេព្រូ ថៃ មានរួចហើយ។ ខ្ញុំសង្ឃឹមថា ថ្ងៃណាមួយឆាប់ៗនេះ ខាងក្រុមខ្មែរយូនីកូដ ដែលមាន Khmer OS និង Pan Localisation នឹងទាក់ទងទៅវេបសាយត៍នេះ ដើម្បីដាក់បញ្ចូលខ្មែរយូនីកូដ ដើម្បីឲ្យកូនខ្មែរអាចសាកល្បងចេញពុម្ពអក្សរថ្មីៗ ជាយូនីកូដបាន។
កម្មវិធីនេះ មានចំណុចខ្សោយត្រង់ថា វាដើរលើអ៊ិនធ័រណិត (internet-based application)។ ចង់ប្រើ ទាល់តែចំណាយលុយថ្លៃអ៊ិនធ័រណិត។
បន្ទាប់ពីលោកអ្នកបង្កើតពុម្ពអក្សរនោះរួចហើយ លោកអ្នកអាចចែកចាយ និង ឲ្យគេដោនឡូដ។ លោកអ្នកក៏អាចក្លូន (clone) ពុម្ពអក្សររបស់អ្នកដទៃបានដែរ បើគេអនុញ្ញាត។
ខាងក្រោមនេះ ជាពុម្ពអក្សរដែលខ្ញុំបានធ្វើ តែវាឈរលើតួអក្សរឡាតាំងទេ ព្រោះមិនទាន់មានខ្មែរយូនីកូដ។ បើចង់ឲ្យពុម្ពអក្សរទាំងនេះ ពេញលក្ខណៈ លុះត្រាតែប្រើផ្សំជាមួយកម្មវិធី Font Creator Program ទៀត។
My fontstruct «ម» លើ ទីតាំង M
ខ្ញុំសាកល្បងធ្វើបាន៣៣ព្យញ្ជនៈ និង ស្រៈមួយចំនួនទៀត ទាញយកទុកមើលលេងនៅ ទីនេះ។
9 comments ខែ វិច្ឆិកា 24, 2008
ពុម្ពអក្សរវឌ្ឍនាផ្កាភ្ញី ជាឡាតាំង រចនាបថខ្មែរ ចេញផ្សាយហើយ Vathana Phka Phgny Latin Releases
ឥឡូវនេះ ពុម្ពអក្សរវឌ្ឍនាផ្កាភ្ញី ជាឡាតាំង រចនាបថខ្មែរ ចេញផ្សាយជាសាធារណៈហើយ។ លោកអ្នកអាចដោនឡូដយកទៅប្រើប្រាស់ដោយសេរី តែហាមយកទៅកែប្រែប្ដូរឈ្មោះ។ ចំពោះពុម្ពជាភាសាខ្មែរមិនទាន់ចេញផ្សាយទេ។
វឌ្ឍនា ផ្កា ភ្ញី ជា អក្សរ ឡាតាំង
This font is created by Mr. Houn Hien Vathana for free and public use purpose. You can use it for free for non- and commercial use. However, you are not allowed to edit or rename this font. Please kindly value his endeavor.
This font is designed and inspired from thousands of khmer delicate artworks and sculptures, and is particularly decorated to celebrate the listing of Prasat Preah Vihear as the World Heritage.
Enjoy downloading by clicking here.
21 comments ខែ តុលា 22, 2008
សេចក្ដីជូនដំណឹង ៖ សិក្ខាសាលាស្ដីពី ការបង្កើតសង្គមដែលអានសៀវភៅ
សហព័ន្ធអភិវឌ្ឍន៍សៀវភៅនៅកម្ពុជា «សអសក» និងបណ្ណាល័យអន្ដរជាតិស៊ុយអែតមានកិត្តិយសសូមជម្រាបជូនដំណឹងដល់សិស្ស និស្សិត សាស្ត្រាចារ្យ មន្ត្រីរាជការ សាធារណជន អ្នកនិពន្ធ អ្នកគំនូរ បណ្ណារក្ស អ្នកធ្វើការតាមគ្រឹស្ថានបោះពុម្ពផ្សាយ ឲ្យបានជ្រាបថា នៅថ្ងៃទី៣ និងទី៤ ខែវិច្ឆិកា ឆ្នាំ២០០៨ វេលាម៉ោង ៩ ព្រឹក សហព័ន្ធអភិវឌ្ឃន៍សៀវភៅនៅកម្ពុជា និង បណ្ណាល័យអន្ថរជាតិស៊ុយអែតនឹងដំណើរការសិក្ខាសាលាមួយក្រោមប្រធានបទ «ការបង្កើតសង្គមដែលអានសៀវភៅ» ដែលមានការអញ្ជើញចូលរួមដោយវាគ្មិនចំនួន៧នាក់ជាជនជាតិកម្ពុជា និង វាគ្មិនចំនួន៩នាក់ ជាជនជាតិស៊ុយអែតដែលជាអ្នកនិពន្ធ អ្នករៀបរៀង បណ្ណារក្ស អ្នកគំនូរ នាយកគ្រឹះស្ថានបោះពុម្ពផ្សាយសៀវភៅសម្រាប់កុមារ។
ទីកន្លែងប្រារព្ធសិក្ខាសាលា ៖ សាលប្រជុំពុទ្ធសាសនបណ្ឌិត
ប្រសិនបើលោក លោកស្រី នាងកញ្ញាមានចំណាប់អារម្មណ៍ចង់ចូលរួម សូមអញ្ជើញមកចុះឈ្មោះនៅទីស្នាក់ការ សហព័ន្ធអភិវឌ្ឍន៍សៀវភៅនៅកម្ពុជាអាគារលេខ ១៤៨ មហាវិថីព្រះនរោត្ដម សង្កាត់ទន្លេបាសាក់ ខណ្ឌចំការមន រាជធានីភ្នំពេញ ឬ ទំនាក់ទំនងតាមរយៈ ទូរស័ព្ទលេខ៖ 092292836, 092414709, 012423885, 012976607, 016 469 006, 011 302038
បញ្ជាក់៖ -ទីកន្លែងមានកំណត់ – ផ្ដល់អាទិភាពដល់អ្នកចុះឈ្មោះមុន
ទាញយកកម្មវិធីលម្អិតនៅ ទីនេះ
6 comments ខែ តុលា 22, 2008
ជំនឿ និង ប្រវត្តិផ្លែនារីផល
ក្នុងប្រកាសមុនខ្ញុំបានបង្ហាញពីរូបភាពផ្លែនារីផលម្ដងរួចមកហើយ តែមិនបានបង្ហាញពីប្រវត្តិរបស់ផ្លែនេះឲ្យពិតប្រាកដទេព្រោះគ្មានឯកសារគ្រប់គ្រាន់។ ស្រាប់តែថ្មីៗនេះ ខ្ញុំបានអានអត្ថបទមួយក្នុងទស្សនាវដ្ដី «អង្គរធំ» លេខ២១៩ ដែលនិយាយពីដើមឈើនេះ។ ខ្ញុំសូមដកស្រង់អត្ថបទនោះ ដូចតទៅ៖
លក្ខណៈដើមនារីផល
ដើមនារីផលដុះនៅលើភ្នំមួយឈ្មោះថា «តណ្ហាវឌ្ឍនៈ» ស្ថិតនៅក្នុងព្រៃហេមពាន្ត ជាដើមឈើដ៏ធំមួយដែលមានពណ៌ត្នោតមាស ស្លឹកពណ៌មាស មានរស្មីផ្លេកៗ ក្នុងមួយឆ្នាំមានផ្កាតែម្ដងប៉ុណ្ណោះ។ លក្ខណៈផ្កាស្រដៀងគ្នាទៅនឹងផ្កាអ័រគីដេ មួយកញ្ចុំមានផ្កាប្រាំនិងផ្កាមួយ មានរូបស្រីមួយបើកភ្នែកគ្រប់ពេលវេលា តែមិនអាចនិយាយស្ដីបាន។
ផ្កានារីផលរីកនៅម៉ោង៦ព្រឹក បញ្ចេញគន្ធពិដោរក្រអូបឈ្ងុយឈ្ងប់ ប៉ុន្តែដល់ម៉ោង៦ល្ងាច វានឹងក្ដោបទៅវិញ។ ក្លិនរបស់ផ្កានេះ ក្រអូបសាយភាយបានឆ្ងាយណាស់ លុះដល់ថ្ងៃទី៧ ជាថ្ងៃដែលផ្ការីកពេញទំហឹង ស្រីស្អាតនៅក្នុងផ្កានីមួយៗ នឹងជ្រុះដែលនៅពេលនោះ ពួកឥសីពិទ្យាធរ ជ្រួលជ្រើមដណ្ដើមគ្នាបេះផ្កានារីផល រហូតដល់សម្លាប់គ្នាក៏មាន។ ផ្កាផ្លែនារីផល មានជីវិតរស់ពី៤ ទៅ ៥ខែ (ស្មើនឹង៧ថ្ងៃនៅឋានសួគ៌) បន្ទាប់មកនឹងស្វិតក្រៀមដូចបុប្ផាទូទៅ។
ដើមកំណើតផ្លែនារីផល
ផ្លែនារីផលមានដើមកំណើត ចាប់ពីមានការបំពេញទានបារមី របស់ព្រះវេស្សន្ដរ ដោយមាន ព្រះនាងមេទ្រី ជាលី គ្រឹស្នា តាមមកបម្រើ។ ដោយហេតុតែនាងមេទ្រីមានសម្រស់ស្អាត ធ្វើឲ្យព្រះឥន្ទ្រខ្លាចក្រែងពួកព្រាហ្មណ៍ ឥសីព្រៃភ្នំ មកឆាឆៅបំពានព្រះនាង ទើបព្រះអង្គនិមិត្តឲ្យមានដើមនារីផល១៦ដើម ឡោមព័ទ្ធជុំវិញបរិវេណឆ្ងាយពីអាស្រមរបស់ព្រះវេស្សន្ដរ និងធ្វើឲ្យដើមនេះបញ្ចេញក្លិនក្រអូបទៅបញ្ឆោតឲ្យឥសីនិងអ្នកហាត់មន្ដវិជ្ជាការទាំងអស់ ឈ្លក់វង្វេងនឹងក្លិននេះ មិនមកបៀតបៀនព្រះនាងមទ្រី។
នាងនារីផល គឺជាទេពធីតាដែលអស់បុណ្យនៅឋានសួគ៌ និងត្រូវបានបញ្ជូនចុះមកលាងបាបកម្មរបស់ខ្លួន ទើបធ្វើឲ្យភាពស្រស់ស្អាតនៃផ្លែនីមួយៗមិនដូចគ្នា ពោលគឺអាស្រ័យទៅលើផលបុណ្យរបស់ទេពអប្សរនីមួយៗផងដែរ។
គេជឿថា ប្រសិនបើអ្នកហាត់មន្តវិជ្ជាការ ឬ ឥសីរូបណាបានស្ទាបអង្អែលនាងនារីផល នោះនឹងដាច់សីលបាត់បង់ឫទ្ធីអំណាច។
អវសាននៃផ្លែនារីផល
ដោយសារមនុស្សធម្មតាមិនអាចចូលទៅក្នុងព្រៃហេមពាន្ដបាន ទើបគ្មាននរណាម្នាក់អាចដឹងថា ក្រោយពីព្រះវេស្សន្ដរយាងចូលព្រះនគរវិញ ផ្លែនារីផលនោះនៅមានទៀតឬយ៉ាងណា។ ប៉ុន្ដែបើតាមរឿងនិទានឥណ្ឌា បានតំណាលថា មានឥសីមួយអង្គ ទៅឆក់ដណ្ដើមយកនាងនារីផលម្នាក់ ឈ្មោះថា «នរសី» មកធ្វើជាភរិយា ប៉ុន្ដែក្រោយមក នាងនរសីមានសហាយស្មន់ តាឥសីខឹងខ្លាំងណាស់ បានដាក់បណ្ដាសានាងនរសី និងផ្លែនារីផលគ្រប់ដើម ឲ្យក្លាយទៅជាថ្ម ធ្វើឲ្យផ្លែនារីផល មិនអាចចេញផ្កាផ្លែ ក្នុងព្រៃហេមពាន្តបានទៀតឡើយ៕
1 comment ខែ តុលា 8, 2008
អប់រំទូន្មានចិត្ត
ការគិតអាចប្រៀបបាន ទៅនឹងគ្រាប់ពូជ ដែលគ្រាប់នីមួយៗ បង្កើតបានជាផ្លែផ្ការបស់ខ្លួនផ្សេងៗគ្នា។ យើងអាចនិយាយបានថា ការគិតអាចជាការកសាង ឬ ជាការបំផ្លិចបំផ្លាញ ជាក្ដីស្រលាញ់ ឬ ជាការស្អប់ខ្ពើម ជាការធុញថប់ ឬ ជាក្ដីរីករាយ។
អ្នកគឺជាអ្វីដែលអ្នកគិត
នេះ ជាប្រយោគដ៏សាមញ្ញនិងត្រឹមត្រូវបំផុត។ រាល់សម្ដីដែលអ្នកនិយាយ សកម្មភាពដែលអ្នកប្រព្រឹត្ត និង អារម្មណ៍ដែលកើតមានចំពោះអ្នក សុទ្ធតែមានប្រភពពីក្នុងចិត្ត។ ថាមពលនៃចិត្តរបស់មនុស្សគឺការគិត។
នៅ ពេលដែលយើងយល់ និង អាចប្រើប្រាស់ថាមពលនៃចិត្តបាន យើងនឹងអាចគ្រប់គ្រងលើជីវិតរបស់យើងបានដោយបង្កើតជា «ផ្លែផ្កា» ដែលផ្ដល់ឲ្យយើងនូវសុភមង្គលនិងភាពរីករាយនៅក្នុងជីវិត។
លោកអ្នកអាចចូលរួមវគ្គសិក្សាស្ដីពីការគ្រប់គ្រងការគិតនេះ នៅ Brahma Kumaris World Spiritural University (Cambodia) ដែលមានអាសយដ្ឋានស្ថិតនៅផ្ទះលេខ 31A ផ្លូវលេខ 288 សង្កាត់បឹងកេងកង1 ខណ្ឌចំការមន ភ្នំពេញ។ ទាក់ទងតាមទូរស័ព្ទលេខ 012 258 984, 011 751 395, 023 990 295។ អ៊ីម៉ែល bkcambodia@yahoo.com វ៉ិបសាយត៍ www.bkwsu.com
វគ្គ សិក្សានេះនឹងផ្ដោតទៅលើ ការស្គាល់អំពីចិត្តខ្លួនឯង ការគ្រប់គ្រងលើបទពិសោធន៍ជីវិត ការរៀនផ្ដល់តម្លៃចំពោះខ្លួនឯងបែបវិជ្ជមាន ការបង្កើតតថភាពផ្ទាល់ខ្លួន និង ការរស់នៅប្រចាំថ្ងៃជាមួយនឹងបទពិសោធន៍វិជ្ជមាន។ វគ្គសិក្សានេះត្រូវបានបង្រៀនជូនដោយឥតគិតថ្លៃ។
ទូន្មានចិត្ត
ចិត្តអើយកុំផុងមាតុគ្រាម
សូមចិត្តនៅស្ងៀម កុំកម្រើក
ព្រោះផលបានមកមិនស្រាលស្ងើក
ទោសនៃចិត្តចើកធ្ងន់មហិមា ។
ចិត្តធ្លាប់រងទុក្ខរងក្ដីព្រួយ
ម្ដេចឡើយរញ្ជួយនឹងពាលា
បើជួបទុក្ខទៀតអស់ស្មារលា
ស្គាល់សោកកំព្រាមួយជីវិត ។
កំហុសស្នេហាកែមិនបាន
អំពើប៉ុន្មានបិទមិនជិត
ប្រសិនបើផលខ្មៅងងឹត
មុខជាជីវិតឆ្ងាយមង្គល ។
សូមចិត្តកុសលស្ថិតចូលមក
កែខែលៃលកជួយពន្យល់
ដឹកដៃណែនាំចិត្តងប់ងល់
ឲ្យឈប់វិលវល់នឹងកាមភព ។
លាហើយស្នេហាធ្លាប់ឲ្យខ្វល់
ឲ្យទុក្ខអំពល់ព្រួយសព្វគ្រប់
ជីវិតងងឹតដូចពេលយប់
សូមចិត្តជ្រកម្លប់ព្រះធម៌ថ្លៃ ។
ព្រះធម៌នាំសុខនាំបញ្ញា
ឲ្យចិត្តភ្លឺថ្លាកាត់អាល័យ
ឲ្យលែងប៉ែលប៉ោលលានិស្ស័យ
លាកម្មលោកិយវដ្ដសង្សារ ។
យឹម កិច្ចសែ ព្រៃវែង 31-08-69
3 comments ខែ កញ្ញា 19, 2008
ចិត្តក្រពើ
«ចិត្តក្រពើ» សំដៅលើចិត្តរបស់មនុស្សដែលរមិលគុណគេ បានទទួលគុណគេហើយ បែរជាបំភ្លេចគុណគេទៅវិញ។ ពេលមានទុក្ខព្រួយអាសន្នអន្ធក្រ ពឹងពាក់សុំជំនួយគេ ដល់ពេលខ្លួនមានបាន បើមិនសងគុណក៏ហីទៅចុះ តែបែរជាធ្វើមិនស្គាល់គេទៅវិញ។
ផ្កាមួយទងដែលស្រពោនក្រៀមស្វិតហៀបនឹងអស់ជីវិតទៅហើយដោយត្រូវគេបោះបង់ចោល ត្រូវបានរើសមកស្រោចទឹកថ្នមថែរហូតមានជីវិតជីវ៉ាវិញ ដោយអ្នកថែសួនម្នាក់។ ឥឡូវស្រាប់តែផ្កាចង់វិលត្រលប់ទៅរកមនុស្សដែលបានបោះបង់ខ្លួនវិញ ដោយទុកឲ្យអ្នកដែលបានសង្គ្រោះខ្លួននូវការឈឺចាប់ ចោទថាមិនធ្លាប់មានការពាក់ព័ន្ធអ្វីនឹងគ្នា។
ម្ដេចក៏មាន «ចិត្តក្រពើ» យ៉ាងនេះ?
- ផ្កាដែលស្វិតក្រៀមស្រពោនជីវិតអូនធ្លាប់ឈឺចាប់
ស្នេហ៍អូនរស់ដូចជាស្លាប់រាយរាប់ប្រាប់បងឲ្យជួយ។
បងស្រោចទឹកថ្នាក់ថ្នមថែផ្កាមិនឲ្យរលួយ
ស្រោចស្រពកើតបានស្នេហ៍មួយផុតទុក្ខព្រួយឲ្យញញឹម។
R- ឥឡូវស្នេហ៍ចាស់ផ្សះផ្សាគ្នាវិញ ចោលបងមនុស្សធ្លាប់ផ្ដល់ក្ដីសង្ឃឹម
ថ្ងៃរះមេឃប្រែជាភ្លៀងរលឹមទឹកភ្នែករឹមៗចោទខ្ញុំបំបែកស្នេហ៍គេ
ចោទបងហួសហេតុបដិសេធថាគ្មានទាក់ទងបងទេ
ស្រីចើកសាវាចិត្តរេមនុស្សល្មើសគុណខុសគេចិត្តក្រពើ។
- ផ្កាដុះចេញពីលាមកក្លិនអាក្រក់សើរើ
មើលងាយថាបងមនុស្សភ្លើអូនបោកបានតាមចិត្ត
គ្រានោះបងឃើញអូនកម្សត់ប្រុសស្នេហ៍ក្បត់គួរអាណិត
ឥឡូវអ្នកត្រូវឈឺចិត្តពិតជាបង មិនមែនអូន។
ទំនុកច្រៀង និង ច្រៀង៖ សម្បត្តិ រដ្ឋា (DJ Oh la la)
6 comments ខែ សីហា 21, 2008
ក្បត់ថាមិនក្បត់
1- ស្ទើរតែមិនជឿលើភ្នែកខ្លួនឯង
វិញ្ញាណវង្វេងទប់ប្រាណលែងនឹង
គ្រាប់ភ្នែកទាំងគូ ឃើញច្បាស់ព្រលឹង
ឱបគេយ៉ាងតឹង ជិះម៉ូតូថ្មី ។
2- អូនក្បត់ពេលណា បងមិនដឹងខ្លួន
ត្បិត Call រកអូនជារៀងរាល់ថ្ងៃ
អូនតែងប្រាប់ថាចិត្តអូនភក្ដី
ឥឡូវហេតុអ្វីឱបទ្រូងគេផ្សេង?
3- ហេតុអ្វី ហេតុអ្វី បានជាស្រីក្បត់
ម្ដេចនៅតមាត់ប្រកែកគ្មានក្រែង
ធ្វើមិនដឹងខ្លួន ចោទបងវង្វេង
ការពិតអូនឯងនិងគេច្បាស់ណាស់។
4- នេះហើយរូបថត សង្កត់មាត់ស្រី
កុំចេះតែស្ដីឥតក្ដីអាម៉ាស់
សុំចប់ត្រឹមហ្នឹង! ស្រីចិត្តប្ដូរផ្លាស់
ស្រីចិត្តរន្ទះខ្ញុំសុំ bye bye ។
1 comment ខែ សីហា 21, 2008
